Romengiri nevimatangiri-informaciakiri agencia
O prezidenti ki Unia taro vojvodinakere Hungarcoja (SVM) Ištvan Pastor došakergja e Jobik-o, ekstremno dahinale parlamentarno partija tari Hungaria kaj mangela te buvljarel hungariakoro nacionalizmo ki Vojvodina thaj bičhalgja mesaži kaj e vojvodinakere Hungarcoja nikana nane te phenen va ko odova.
„Na valjani amenge khoni, ni odova ko avela tari Hungaria, ple bidžovapiale keribaja te kerjarel barijag, a pal odova te džal peske khere“, vakergja Pastor ki hramome vakerin baši publik sebepi puteribe Jobik-oskiri kancelaria ki Subotica.
Ov bičhalgja mesaži kaj e vojvodinakere Hungarcoja dživdinena barabar e Srbencar thaj avere avtohtono minoritetencar, e našle thaj džthanakerde manušencar tari nekanutni Jugoslavia, thaj tari Kosovo-skiri teritoria,sar thaj e kosovoskere Romencar kola si paldime tari Paščimali Evropa.
Haing: http://www.vesti-online.com/Vesti/Srbija/377296/Pastor-Jobiku-Ne-vrsljaj-po-Vojvodini
