26.1.2014. – Radio Sarajevo: Sajek si maro ja mandro, sa džikana sarinende si te čaljaren pe

26.1.2014. – Radio Sarajevo: Sajek si maro ja mandro, sa džikana sarinende si te čaljaren pe

E mareskere džanlipasa, simboli baši šukaripe thaj solidariteti, šuraraja amari trinto paramisi baši sasoitne džovapiale kompanie ki Bosna thaj Hercegovina.

Kotor tar akava produkti, kole buteder bizi gndipe ka čhuden le ko gunoj, nekole averenge si egzistencia. Amare phuvjate, anavjale, o procenti čorole si ki alarmanto uči digra. Aso evidentia tari Lumiakiri banka baši persi berš, trujal 48 procentia dživdutne ki BtH dživdinela ki čorolipaskiri simantra, džikote 18,5 procentia telal odoja čitra savi sikavela kritikano čorolipe. Sebepi biadekvatno socialno politika, but biarakhle kategorie ko sasotinipe džipherdeste si pharekerde e problemencar taro nanipe, so si phanlo thaj e organizaciencar kola dikhena te den olen arka.

Trujal so o sasotino džovapialo butikeribe amare phuvjate evidetno si phanlo e privatno sektorea interesno egzamplo arakhaja ko Brčko, kote so o PK“Komunalno“ sikavela ko save sa čhania šaj te sikavel pe o filantropikano ruhi.

„ Pala ko amaro ničalo užaribe harjale thana khedela pe tharibaskoro materiali, kova barabar e Centroja baši socialno buti legarela pe e majbut biarakhle familienge ko thana taro disktrikti Brčko. Odola si bare gende kašta, nekobor mile kubikoja ko berš, dikhindor kaj ki amari ingerencia si thaj o parkia thaj veša trujal o droma. Jek tar amare strategie si thaj bukjarnipe e preperutnenge ko romano minoriteti, a akana  deš džene si bukjarne sakanaske amende. E romane khedinake, kola ko thana taro disktrikti Brčko si upri 2000 džene, daja arka thaj ko aver čhania, barikanipaja vakerela Nikola Simikič, telidirektori ki akaja brčkoskiri publik kompania.

Haing: http://radiosarajevo.ba/novost/139356/Svejedno-je-kruh-ili-hljeb-samo-da-ga-svi-imaju-dovoljno-

Leave a Reply

Your email address will not be published. Required fields are marked *

*