Vakerin taro Bajram Haliti sebepi leljakeribe i rezolucia tar Evropakoro Parlamenti

Vakerin taro Bajram Haliti sebepi leljakeribe i rezolucia tar Evropakoro Parlamenti

Beograd, 10. Marto 2011.berš- O prezidenti ki Romengiri nevimatangiri-informaciakiri agencia Bajram Haliti seljamikergja ki hramome vakerin e TANJUG-oskere leljakeribaske tari Evropakere Parlamentareskiri rezolucija savi arakhela minimum standardia e Romenge ki digra tar Evropakiri unia te šukarkerel pe o pharo Romengoro hali, vakerindor kaj odova si šuru tari Romengiri integracia bizi asimilacia thaj vareso so na valjani te prolongirinel pe. O kamijabi taro lengoro anglunipe so džanlo bašo prosperiteti ko sahno kontinenti thaj ka rodel ikeribe ko čačipe tari specialno politika koja ka višvakerel kaj o Roma hošinena o postranziciakere beneficie.

Haliti akcentiringja kaj „ o romano džiani… valjani te ovel jekajekhe tromalipancar thaj hakoncar sar avera. Ola nane imigrantia tare trinta phuvja- ola si dizutne tar Evropakiri unia thaj mujal lende na valjani te ovel diskriminacia.“

Haliti adžikerela kaj i erati leljarde rezoluciaja tar Evropakoro Parlamenti o uče radžakere lideria ka sajdinen o akanutne, zorale, publik mesažia kaj o čelale čelalipa baši  kolende ka haljovel pe kaj sine motivirime stereotipendar thaj bilačhegndendar, ko avutnipe ka oven rodljarde detalnikane thaj procesirime pherdipaja taro kanunia kola direktno butikerena e bimanigipaskere čelalipancar.

E leljaribaja tar eratutni rezolucia tar Evropakoro parlamenti, haliti adžikerela kaj ka kerel pe thaj zurarkerel pe antidiskriminaciakere badania. O oficialna antidiskriminaciakere badania sar thaj o badania baši manušikane hakoja valjani te oven radžipaja te maren pe mamuj o bimangipaskere čelalipa kerindor pe monitoring, raportideibe thaj asistencia e kurbanenge.

Haliti gndinela kaj i rezolucia tar Evropakoro parlamenti ka anel nevo pakjiv sava valjani te arakhel pe soske o kondicie kolende akana buteder Roma dživdinena si bipakjavibaske. Valjani te mara amen baši majšukar haljovibe e Romen tari rig tare vaver džene ko sasoitnipe thaj te butikera e Romengere liderencar ki te haljova lengere intencie. Odoja si khedin bare šajdipaja thaj saren si amen džovapialipe te višvankera kaj odova džijani si šajdipaja te realizirinel po deibe e evropakere sasoitnipaske.

E leljaribaja i rezolucia tar Evropakoro parlamenti o raštre džene valjani te protektirinen o etnikano, kulturnikano, čhibjakoro thaj dineskoro identiteti e Romane nacionalnikane minoriteteske thaj te keren kondicie baš anglunikeribe tar odova identiteti, a mujalunto thaj akaja Rezolucia ka ačhol salde mulo šabdako ko lil-klidaringja Haliti.

 

Bajram Haliti, šerutno thaj džovapialo redaktori

 

Leave a Reply

Your email address will not be published. Required fields are marked *

*