21.2.2014. – Khedipe: Ki Austriă na menqena e Rromen

21.2.2014. – Khedipe: Ki Austriă na menqena e Rromen

Beč — O khedipe,, Romano centro,, avaziqerqa raporti koleste sikavela kaj o bimanqipe kori Rroma ki Austriă si ko but čhipote.

Ko raporti dokumentirime si 82 rasistikane čhipote mamuj Rroma thaj Sinti, a kritikuinena pe o stereotipă ko mediumă.

Parolenca ,, Cigani avriăl,, o terne ki komuna ko Tirol ko 2009. atakuinqe rromane familiă savi sine ko nakhibe odokaθar. Ano septembro akava berš jekh kupa terne ko Bišofšofen atakuinqa Rromen, a ki jekh Fejsbuk kupa xramome si akharin ko atako, зikote jekh зeno rodela sine ,,paluno čhinavibe,,.

Odoiă thaj esavke čhipote dokumentirime si kaθaro ,,Romano centro,, ko aktuelno raporti ki tema ,, Anticiganizmo ki Austriă,, savo akharela sine ko rasistikane atakoja ko nakhle ofto berša. ,,Ko odova gindinela pe kaj o stereotipikano sikavibe ko pašutno nekanutnipe si bariărdo,, kritikuinqa Klăudiă Šefer kaθar instituciă savi marelă pe mamuj rasizmo,,Zara,, зidendor kaj odova zuraribe si daraqe.

Andrea Herle kaθaro ,,Romano centro,, phenqa kaj o stereotipi kova istemalqerela pe ki Austriă si kaj o ,,Cigani,, nane civlizirime thaj na manqena te integiririnen pe ko sasoitnipe, numa nane len kher, sar thaj kaj зivdinena sar parazitiă, ja manqena Devlesqe thaj čorena.

Haing:

Leave a Reply

Your email address will not be published. Required fields are marked *

*