21.2.2014. – Rroma ko regioni majbut kaθari stastistika

21.2.2014. – Rroma ko regioni majbut kaθari stastistika

Najekhajekhipe ko evidentiă ko Paščimalo Balkani sikavelă e Rromenqiri ekskluziă kaθaro sasoitnipe

O problemi e xramovibaa ko matikane bijandenqere lilă, truăl ko phuvă ko Balkani si thaj ki Indiă, Pakistan, Afrika thaj Purabali Amerika.

E Rromenqoro gendo ki Bosna thaj Hercegovina si bipenзardo. Esavko si o xali thaj ki Serbiă, Makedoniă, Kosova, Montenegro thaj Hrvatska. Nekobor drom ovelă ko matikane lilă ma te oven evidentirine thaj po trin generacie kaθari jekh rromani familiă. Odolesqe, o čhave te oven xramome, valăni te qerel pe niămalo identiteti e dayenqe thaj dadenqe, thaj lenqere dayenqe thaj dadenqe…

Aso зandipa kaθaro khedipe Vaša prava BiH kova kaθaro 2008. berš qerelă buti ko Rromenqoro xramovibe ko matikane lila, majbutdrom dikhela pe kaj jekh kaθaro jeriă si arakhlo, sar egzamplo, ki Hrvatska, o dujto ki Serbiă ja Kosova, a I mami thaj papo kaθaro Montenegro ja Makedoniă.

O Rroma avgo drom liparena pe ki BtH ko šuru kaθaro dešušovto šelberšipe. O Sultan Suleyman O Baro denqa lenqe thanaqeribe thaj butiqeribe kotora kaθaro lesqoro pašaluko pokinibaa porezi. O Rroma darhiencar si kaθar avdisutni Indiă. Pi dayaqiri phuv mekle lă pală ko avga diskriminaciăqere nišaniă.

Anglăl I mareba ki BtH, e Bosnaqere Rroma sine majbaregendea Xoraxane, muslimaniă palo dini thaj зivdinena sine ko anglălзiăkere urbana kotora kaθaro Saraevo, Tuzlă, Moskaθar, Bielina, Zvornik thaj Brčko. Tikneder kupa, Serbaya Kalderašiă, ortodoksno dineiă, sarhienca kaθari Romuniă, зivdinena sine ko thana kaθari Bana Luka. O vavera rromane khedina ale kaθari Kosova thaj Makedoniă anglal I mareba.

Ko marebaqoro vakti ki BtH avelă зi bare iraniba e Rromenqere. Gindinelă pe  kaj akale  periodeste kaθari BtH emigririnqa buteder kaθari jekh trinori kaθar akaja populăciă, a te si kaθaro thana kaθaro bh.entiteto Republika Serpska.Ko entiteto Federaciă BtH našlă majbut kaθare 85 procentiă odolă kolă naštine te našen ko trinta phuva.

Xramonelă: Saida Mustajbegović

Leave a Reply

Your email address will not be published. Required fields are marked *

*