27.2.2014. –  VAQERIN KΘTAR O BAJRAM HALITI PREZIDENTI KI RROMENQIRI NEVIMATANQIRI AGENCIĂ BAŠO DEFINIRIBE I NIĂMALI THAJ POLITIKANI RROMENQIRI POZICIĂ AVDIVE KI EVROPA THAJ BUVLEDER

27.2.2014. – VAQERIN KΘTAR O BAJRAM HALITI PREZIDENTI KI RROMENQIRI NEVIMATANQIRI AGENCIĂ BAŠO DEFINIRIBE I NIĂMALI THAJ POLITIKANI RROMENQIRI POZICIĂ AVDIVE KI EVROPA THAJ BUVLEDER

Beograd, 27. februar 2014. godine – O prezidenti ko Dizutnenqoro khedipe ,, Rromenqiri nevimatanqiri agenciă,, ki xramome vaqerin e nevimatanqere agenciăqe NIĂR vaqerqa kaj jekh kθtare majdavdive definirinela I niămali thaj politikani poziciă e Rromenqiri ko evropaqere phuviă, pal odova te vazdel pe iniciătiva  I Rromenqiri Dekada ma te ovel muli šabdi ko lil numa laqere škθtar šerutne resarina’ te čhinavel pe o problem e kherutnipasa, te cidlărel pe I diskriminaciă ki edukaciă, zuraribe adekvatno sistemi bashi dikhlăribe thaj evaluaciă thaj saiqeribe e phuvyen Dekadaqere xramosarde te oven sakodiveskoro dajatvipe ko anibe iniciătive baši qeribe evropaqiri rromenqiri politika.

Jekhajek, Haliti vaqerqa kaj I demokratiă thaj demokratikane xakoja valănite šajdaqeren e rromane зiănesqe buteder thaj majbare xakoja. Akala xakoja valăni te muken θarhiă ko Evropakoro Parlamenti. Kθtaro 12-15 milioniă Rroma зivdinena ki Evropa thaj akava зiăi kova ki Evropa зivdinela kθtaro 15 šelberšipe, pala ko butezamanenqere paldipa, genocide thaj nevyarde paldipa, na valăni thaj na kamla pet e ačhol pe bizo xango.

Odolea phanlo Haliti baxanqerqa baš avutne evropaqere alusariba o prezententiă kθtaro rromano зiăni valăni te ikljon rromane barabarutne patrinasa mandatiă. O Evropaqoro Parlamenti ka ovel leibasa зikobor leskere deputatikane bešavnende arakhena pe thaj prezententiă kθtaro rromano зiăni.

Akava mesaži te si lelărdo kθtaro зenja ki Evopaqiri uniă tgani o Rroma ki Evropa šaj te paqan ko majlačho thaj majbaxtalo avutnipe.

Bajram HAliti, plesutneste aзiqerela kaj o nevo akcesi lelărdo kθtari rig kθtaro lideriă ko phuvja ki Centralno taj Purabdakšinali Evropa tiknjaribe e čorolipasqoro thaj lenqoro saiqeribe ko sasoitnipe ki Evropa majlačhe edukaciăsa, sastipasqere arakhibasa thaj šajdipasa baši lenqoro buqarnipe kolea anθarela pe зi majšukar Rromenqri integraciă ki Centralno thaj Purabdakšinali Evropa.

I situaciă kana maškar 12 thaj 15 milioniă Rroma зivdinena akale kontinenteste  rodela sigutno butiqeribe kθtaro sa o raзe kola qerena ple politike kori EU bajrovibe valăni te šukarqeren e Rromenqiri poziciă ko liparde segmentiă. O kamyabi kθtaro lenqoro avutnipe ka ovel зanlo bašo prosperiteti kθtaro sahno kontintenti thaj ka rodel qeribe praktike kθtaro speciălna politike kola ka višvanqeren kaj o Rroma hošinena o posttranziciăqere beneficie.

Haing: NIAR

Leave a Reply

Your email address will not be published. Required fields are marked *

*