2.3.2014. – O nacistiă čoryarde Rromen θari Serbiă

2.3.2014. – O nacistiă čoryarde Rromen θari Serbiă

Raqate ko gav Zere ko Hildešajm pe khereste atakuime I eftaзenenqiri familiă θar Igor U.(32) θarhienca θari Serbiă, a aso lesqiri deskripciă ki policiă thaj Konsili bašo našle manuša o čora umdinela kaj sine neonacistiă.

Igor thaj lesqiri jek berš phureder  romni Hermina e panзe čhavencar sine thanaqerde ko ulavdo kher koleste nekana sine kafana. Ko buxlo kher зivdinena sine korkore thaj sine čale e bešipaja. Problemiă зi ko atako na sine len e зivdutnenca. A, tgani akale azilantenqere familiăqe sa gelo tersene.

-Raqate maškar 2.thaj 3.januaro neko posqaqere lampasa dikhela sine kori зami, a avutni rat atakuinqe amen.Khoni raqate akharela sine ki arka thaj panikasa čalavela sine ko uθar.Kana puterqum o uθar, arakhljum man anglal maskirime manuš kova o phajrarutno čhivqa manqe ko čekat thaj rodela sine love.зik ov  ispidela sine man andre, okova marela sine man. čhudinqum lesqe 1.300 evriă kolen jek dive anglal leljum sine θaro Biro baši sociălno arka. O atakoqerutno sine qeralo, uravdo ko kalo thaj kale čizmencar-vaqerqa Igor e policiăkere manušenqe kola ko akharibe θaro komšie resle sigate.

Numaj kana e policiăqere manuša avutno dive palem avile, E Igor-esqere familiă na arakhle ko kher. Ko Konsili bašo jabanзie kova lelă than ko čhipotaqoro rodlăribe phandlje kaj ki baza θar Igor-esqiri deskripiciă umdinela pe kaj qerela pe lafi bašo čora neonacistiă. O rodlăribe našavqa po drom a I familiă sigate našavdili.

Pala ko nekobor divesa korkori akhardile. Igor U. thaj leskiri familiă našle sine θaro kher thaj thanaqrdile ki makedonikani rromani familiă ko pašutno gav. O šero θari makedonikani rromani familiă thanaqerqa len trujal so sine šθar зene. Agjar ko 65 kvadratiă kher зivdinena sine 11 Rroma.

Igor palem sine šunlărdo arkaja θaro translatori thaj iklilo kaj e čoren akharqa nacistiă sosqe odova si lesqe sinonimi bašo bilačhipe thaj bilačho manuš generalno. Numaj, khoni na phenela na kaj ole atakuinqe nacistiă. E Igor-esqe thaj lesqere familiăqe arakhlă pe nevo зivdipasqoro than.

Haing: http://www.vesti-online.com/Vesti/Srbija/375881/Nacisti-opljackali-Rome-iz-Srbije

Leave a Reply

Your email address will not be published. Required fields are marked *

*