28.2.2014. – Čorole Rroma

28.2.2014. – Čorole Rroma

E Rromenqoro masivno resipe θari purabdakšinali Evropa si čačutni fučiã barutesa nekole germaniãqere dizienqe. Lengiri integraciã našti te ovel mukli lengere θarhiãle phuvienqe, numa odova si savali sahne EU-e

 Ki paščimali Evropa e Rromenqiri integraciã sine problemiã kasqere čhinavibasqe anglal sa so зovapiãle o phuviã θari purabdakšinali Evropa kolenθar o Rroma avena. Na sine bičalipasqere o politikane apeliã, konkretna programe arkasa thaj memorandumiã bašo xaljoviba baši šukarqeribe e Rromenqoro sociãlno xali. Ko 2005.berš ofto phuviã θari maškaruni thaj purabdakšinali Evropa xramosarqa akciãkiri programa ko pervazi θari ,,Dekada baši Rromenqiri inkluziã,, Lovenqere arkaya θari Lumiãqiri banka odova valãni sine transnacionalno te iranel o зivdipasqere kondicie odole grupaqe зiãni agjaar so ma te ovel sine zaruri te migririnen ko barvale Evropakere raštre.

 Odova aзiqeribe na pherdilo. Mujalutno. I finansiãqiri kriza barjarqa o turlipa ko Evropaqere xaliã. I Purabdakšinali Evropa, anglal sa, ačhili tela ko pharipe θar evrosqiri kriza. Upro odova, 20 berša pala ko komunizmo, I sasoitni transformaciã ki Romuniã thaj Bolgariã thaj poaθarig si pherde xor sociãlno ulavibasa. O duripe maškar o barvale thaj čorole avdive si majbaro θaro kana te sine. Ulavdeste odolea si asθarde o grupe kola si ko sasoitnipasqoro dibi sar so si o Rroma. Ola ko jekh vakti arakhena pe e bajrovibasa θaro čelalipasqoro rasizmo θari radikalno dahin.

Odothar našti te bihava sosqe o Rroma istemalqeren sakova šayipe te šukarqeren pi зivdipasqiri situaciã thaj šela mile зana ki Germaniã ja aver paščimaleevropaqere phuviã.Numaj, ni godoja toleranciã nane ki uči digra, a odova sikavqa pe ko zoreaqerdo зithanaqeribe θaro rromane mahale ki Franciã ko vaxt θaro Sarkozi-sqoro mandati.

Autorka: Verica Spasovska

зovapiãle redaktoriã: Ivana Ivanović / Svetozar Savić

Haing: http://www.dw.de/siroti-romi/a-16616665

Leave a Reply

Your email address will not be published. Required fields are marked *

*