20.6.2014, RTCG – E minoritetenqe majlokho xramosaripe ano fakulteti

O Rektorati ko Crna Goraqoro Univerziteti, o Ministeriumi vaši manušikane vi minoritetenqere xakoja vi prezententiă θaro nacionalna minoritetenqere khedina xramosarde memorandumi kova del po deipe kaj o preperutne ko minoritetiă ka oven jekajek thanesa ko xramosaripe ano fakulteti.

O Memorandumi sas xramosardo θaro rektori ko Crna Goraqoro Univerziteti Predrag Miranović, o ministeri vaši manušikane vi minoritetenqere xakoja ki Crna Goraqiri RaƷi Suad Numanović, sar vi prezententiă θaro srbikano, albanikano, bošnjakonqoro, muslimanenqoro, hrvatenqoro vi rromenqoro nacionalno konsilo.

E Memorandumesa anglodiqlo si o Univerziteti aso lesqe šajdipa, te lel ulavde napiă vaši xramosaripe varesavo gendo studentiă ko studiăqere programe sakova sikljovipasqo berš e minoritetenqere xramosaripasqere kvotenca, ja palo principi vaš afirmativna akcie.

Xaing: http://www.rtcg.me/vijesti/drustvo/55778/manjinama-laksi-upis-na-fakultet.html