21.6.2014, Dojče vele – Mareba mamuj o linčo upro Rroma

21.6.2014, Dojče vele – Mareba mamuj o linčo upro Rroma

Ko jek kvarti ano Pariz, jek rromano terno brutalno sas mardo soske o ʒivdutne došaqerde le kaj manglă te čorel ko khera. O majnevo čelalipasqo akti ani Franciă vazdinqa debata vašo relacie kori rromano minoriteti.

E britaniăqiri gazeta Dejli telegraf avgo publikuisarda fotografiă e brutalno marde rromane čhavresa: late dikhol pe o 16-beršenqoro Darius sar but mardo pašljola ano xospitalesqo vordon. Lesqo muj si deformirime vi ratvalo, o šeja pharavde vi melale. Araqle ole manuša so naqena sine θaro kana deša murša brutalno marde le jekhe podrumeste vi mukle le ki koma ko supermarketesqere vorda: linči kova vazdinqa ko pire e Franciă.

E Dariusesqiri yaziă si ayna vašo duj problemiă ko franciăqo sasoitnipe, kola ko tragikano čhani araqena pe droma_ biikljovipasqiri situaciă vi bimanušikano čhipotibe kori rromano minoriteti. Soske lenqere ilegalna kampiă ko dizjakere kvartiă umdinel pe kaj si thana bizo xakosqoro raʒipe. Mišel Fukard, dizyako šerutno ko Pjerfit-sur-Sen vaqerqa kaj o ʒivdutne rovena pe ko baryardo gendo čoribaθarto kana o Rroma šurarde te aven. O dive pala ko atako upro Darius, o Rroma šurarde te ʒan pesqe θari pi mahala.

Xaing: http://www.dw.de/borba-protiv-lin%C4%8Da-nad-romima/a-17726403

Leave a Reply

Your email address will not be published. Required fields are marked *

*