27.6.2014, ERIO – Izjava kojom se osuđuje napad na romskog mladića u Francuskoj

27.6.2014, ERIO – Izjava kojom se osuđuje napad na romskog mladića u Francuskoj

I Evropaqiri kancelariă vaši Rromenqoro informiribe ERIO phenela pi bari gayla sebepi majnevi čhipota čelalipe upro Rroma ani Franciă. Ko 13.juno ko Pjerfit-sur Sen, Pariz-esqoro kvarti, O Θarius, 16-beršenqoro Rrom rromuniăqe θarxienca sine cidlărdo pe kampesθar kote Ʒivdinela sine pe familiăsa θari rig θaro jek lokalno tinejƷeri kola došaqerde le baši mangin čoribasqe jekhe staneste.Ov sine mardo, muklo ko supermarkeresqo vordon vi muklo te merel ki rig jekhe dromeste. O terno sa panda si ki koma. Lesqiri familiă vi komšie θaro kampi našle koθar nekobor satja pala ko atako θarindor θaro bilačhipa pal odova so ulo e Darius-esqe.

O incidenti ani Franciă naj izolirime kejso. Amen šaj te dikha bareder anti-rromane hošipa vi anti-ciganizmo vi šablonă čelalipasqere atakonca vi akcie mujal akava minoriteti.Si but egzamploja. E Rromenqoro kurbani ovibe vaši sa o nasvalipa jekajek šaj te anadren anti-rromane hošipa. Sar egzamplo, ko juno 2014, o bare pană ani Bugariă legarde majxari 14 Ʒivdipa. Truyal so majbut sine asθardi i rromani maxala o šerutne emiterja haberidende kaj i rromani maxala valăni te lel i doš vaš odova so ulo. O pučimata sar so si ilegalno kherutnipe vi bilačhe Ʒivdipasqere kondicie sine inicirime θari mediumenqiri rig, iradasa našindor akale čhanesa o problemiă kolenca akala khedina arakhena sine pe ko nakhle berša.

E rasistikane čelalipanqoro barjovibe upro Rroma buxleste ki Evropa si θaraqe. Mediumenqere raportiă vi rezultatiă θaro palune evropaqere alusaripya reflektirinena barjovipasqere trendiă ko anti-rromane emocie, rasizmo, ksenofobiă vi ultra-daxinalo eksttremizmo ani EU.ERIO but si gaylime e anti-rromane publik diskursesqe ano phuva Ʒene ki EU so jekajek anθarela Ʒi čelalipe akale khedinenqe.

Xaing (anglikani čhib) http://www.erionet.eu/doc-statement_violence-roma-boy-france_270614

Leave a Reply

Your email address will not be published. Required fields are marked *

*