30.6.2014, NIAR – O genocid upro Rroma koslo θari xistoriă

30.6.2014, NIAR – O genocid upro Rroma koslo θari xistoriă

Bajram Haliti, šerutno vi зovapiălo redaktori ki „E rromenqi nevimatanqi-informaciăqi agenciă“ avdive vaši NIĂR pnenqa: „ O genocid upro Rroma nane koslo salde θari lumiăqi xistoriă numaj sa зi sigende sine koslo vi θari nacionalno xistoriă. Odova fenomeni si muklo θar amare sikljovibasqe lila, lesqe na arakhlă pe than ni ke fusnote. Numaj, valăni te phenel pe kaj o nanipe viqanale bazaqe lafiqeriba vašo genocid ki nekanutni Jugoslaviă o problemi si majkompleksno θar odova so šaj ko avgo dikhibe te gndil pe. O viqanale зene ačhona sine leste anglal e situaciăqo hošipe kolea arakhena sine pe jek зande režirime revolucionarno vaxteste.

Jakhdikhlo si kaj bizi empirikane rodlăriba našti te qeren pe teoretikane xavlăriba. Ki atmosfera θaro xoxavno umdipe vaši „phralipe vi jekhipe sa amare зiănqnqoro“ najsa than vaši kriminalesqi deskripciă savo sine θarutno vi bixaljovibasqo e fundavne manušesq. Sar te resel pe e genocidesqe avral θaro šajdipe θaro lesqo logikano lociribe ki jekhin θaro relacie: manuš kori manuš, manuš kori Devel ja mamujutno? Sar te xaljovqerel pe o Jasenovac vi aver koncentraciăqe logoriă, moderna fabrike vaši meribe kasqoro isipe sine agor e moralna niyaminenqe vi e metafizikane normaqe?-pahnlă Haliti pe vaqerinate.

(NIĂR)

Leave a Reply

Your email address will not be published. Required fields are marked *

*