30.6.2014, NIAR – Valăni te čhiven pe ki buti buteder Rroma buqarne

Ko simpoziumi „ Amare dizutne vi Rroma“ o prof.dr Rajko Đurić sikavqa o šajdipe vaši fundiribe interkulturaqo konsili ani Serbiă sar ko buteder evropaqe phuva kova ka ovel purt maškar raзi vi dizutne ulavdeste preperutne θaro majxarinijamale nacionalna minoritetiă.

Ko sa o ministeriumiă, ulavdeste ko ministeriumi vaš edukaciă, kultura, sociălno arakhibe, andrune vi avrune buqa, valăni te khuven ki buti vi prezententiă θari rromani populaciă, notiqerqa Đurić, vi зipherqa kaj ko themaqere institucie ko pokrainaqo, regionalno vo dizyaqo levelo zaruri si buteder barabarbuqarne Rroma.

(NIAR)