Bajram Haliti: Evropaqi konvenciă vaš arakhibe manušikane xakoja vi fundavne tromalipa

Bajram Haliti: Evropaqi konvenciă vaš arakhibe manušikane xakoja vi fundavne tromalipa

I Evropaqi konvenciă vaš arakhibe o manušikane xakoja si lelărdi 1950,berš vi oj arakhela o dizutnikane vi politikane xakoja. Ʒi avdive majbutfar sine Ʒipherdi ja irame protokolenca. Akale Konvenciăqe šaj te phenel pe kaj si majangluniqerdo phanlolafi ki umal θar arakhibe o manušikane xakoja. Numaj, i Konvenciă regulirinela salde o xakoja kola preperena sa e Ʒenenqe, a na saiqerela nesave ničeqerina kola ka vjavaxarinen pe ko ulavdo arakhibe e minoriteteqe. Ko šuru θaro enăvardešto berša ko nakhlo šelberšipe sine baxaniă te anel pe ulavdo protokoli akale Konvenciăsa kova ka ovel nišanqerdo e minoritetenqe xakonqe, numaj odoja ideja sa panda nane realizirime, truyal so ko 2001.berš odoja ideja palem Ʒivdinqerqa.

Pale, nesave ničeqerina θar Evropaqi konvenciă vaši manušikane xakoja ko indirektno čhani dena arakhibe vi e minoritetenqe, qerela pe lafi vašo Ʒeno 14 θari Konvenciă savo saiqerela bimukin e diskriminaciăqe vi odova ko akava čhani:“ Hošipe xakoja vi tromalipa anglodikhle akale Konvenciăte arakhela pe bizi diskriminaciă pali bilo savi funda, sar so si poli, rasa, mortikaqi renka, čhib, dinesqo paqavibe , politikano ja aver umdibe, nacionalno ja sociălno darxi, preperibe ko nesavo nacionalno minoriteti, malesko xali, bijanipe ja aver status.“

Bajram Haliti, šerutno vi Ʒovapiălo redaktori

 

Leave a Reply

Your email address will not be published. Required fields are marked *

*