29.8.2014, NIAR – Strategia e manušikane garantimasqi musaj trubul te avel kodolesqe te avel globalni politikani kultura bazirimi pe manušikane xakaya

29.8.2014, NIAR – Strategia e manušikane garantimasqi musaj trubul te avel kodolesqe te avel globalni politikani kultura bazirimi pe manušikane xakaya

Belgrado, 29.08.2014.god. (NIAR) – O Bajram Haliti, editori e ,,Nevimatanqe informativne Rromenqe agenciăko“, aӡes e portalesqe niar.rs vakarda: O manušikano garantipe si les res te arakhel e manušikane xakaya. Strategia e manušikane garantimasqi musaj trubul te avel kodolesqe te avel globalni politikani kultura bazirimi pe manušikane xakaya. An kado konteksto, e edukacia e manušikane xakajenqe si strategia savi inӡarel e manušikane garantimasqe, ferindoj kaj zurărel e manušen kaj o aziri pire problemonqo arakhen pe funde e kethanutne globalne moldutnipnasqe sistemesqo thaj o pašipe pe baza e xakajipnasqi ana e zuralipnasqi. O manušikano arakhavipe promovišilpes ano intrego amalipe po decentrilistikano ćhandipe, startindoj kaθar e fundutne trubuimata le manušenqe, sar e ӡuvlenqe kadya vi e muršenqe, majlaćhe kaθar o pućipe e personalne garantipnasqe, ćorroripnasqe, diskriminaciăko, sociălne xakajipnasqo thaj demokratiăko.

O phagaripe e manušikane xakajenqo sikavel po nasulimos e manušikane garantipnasqe, thaj kodolesqe prbmnisavon sar sikavutne ano phanglipe e mahanizmonqo po vakti e dararipnasqo te na avel ӡiko maripe. Aj, e manušikane xakya kadya silen rola vi ano agordipe e zadimatanqo ano kerutnipe e šantesqo pala o maripe.

E aktesa 3. E Univerzalne deklaraciăsa kaθar e manušikane xakaya thaj e aktesa . e Maškathemutne paktesa kaθar e forutne thaj politikane xakaya kadya arakhadol o xakaj pe muklutni thaj personalno arakhaipe, savo tjavarharisavol pe relacia po muklipe kaθar edar.

Pala kado, e aktesa 22 e Univerzalne deklaraciăsa kaθar e manušikane xakaya thaj e aktesa 9 e Maškarthemutne paktesa kaθar e ekonomikne, sociălne xakaya thaj kulturake xakajenqe delpes pativ po sociălno garantipe savo, paša aver ekonomikane thaj sociălne xakaya, si paše e muklipnasqe kaθar biisipe. E Amerikako prezidento o Frenklin Ruzvelt 1940 berše, ano thavdipe e Dujtone lumiăke maribnasqo, vakarda: E borba kontra o ćorrolipe, majšukar o maripe e ekonomikane, sociălne thaj kulturake xakajenqo si barabarutne manajutne e arakhavipnasqe sar vi o maripe e politikane thaj avere fundutne muklimatanqo. Von našti ulavdon, von si maškarpeste phangle thaj biulavde.

Romengiri nevimatangiri informaciakiri agencia

Leave a Reply

Your email address will not be published. Required fields are marked *

*