18.09.2018. Belgrado – ANGLUNI MAŠKARTHEMUTNI KONFERENCIA KATAR O MUDARIPE E rSERBIJANENGO, JEVREJENGO THAJ E RROMENGO

Bajram Haliti, prezidento

NEVIMATANGI infromativn agencija e Romengi, Belgrado, Serbia

Genocido pe Serbijanura, Jevreja thaj e Rroma naj khoslo andare lumijaki historia, aj sa dji nadumutan khosli si vi andare nacionalno historia. Kado fenomeno ni arakhadol an amare pustika. Trubul te vacardolpes kaj o bioispie e skencijake horutne debatako katar o genocido ane dumutani jugoslavija

Ane naci vrama katar o 1941 djiko 1945 nakhadapes o genocid pe Serbijanura, Jevreja thaj pe Rroma maj anglal ane Germania a pala kado ane sa e raštre e germanijake Rajhose. Ćwerdepe gasne komore bichalde si e Rroma ane konc logora ano Aušvic, Dahau, Buhenvald, Jasenovac thaj avera logora an save si mudarde po maj brutalno ćhandipe 6.500.000 milionura Jevreja, 700.000 milje Serbijanura thaj 3.500.000 milionura Rroma.

Vi ane Pavelićeski NDH  djelope pe kado intrego te mudardon e Serrbijanura, Jevreja thaj e Rroma. Andapes decizia an lengo programo jekh trinengi le Serbijanongi te mudardon, jekh trinengi te tradenpes a jekh trinengi te trušalisarenpes.

Kadja vi ane NDH kerdepes koncentraciono logora savendar majbaro sas o konc logori Jasenovac, savo sas ane lumija pindjardo sar serbikano Aušvic.

Ane bibahtalimata mamuj e Serbijanura, Jevreja thaj e Rroma e ustaše nakhade e nacistikane fašistikane bare rajen.Kado sas jekh than maj baro kaj mudardepes e Serbura, Jevreja thaj e Rroma.

O Uštice thaj e Gradina si e thana kaj sas baro bibahtalipe thaj nasulipe. Gothe e Ustaša ćhurencar ćhinde, a vatraljencar, toverencar thaj ćokajencar e e Serbijanon , Jevrejen thaj e Rromen ćhinde  e rromnjen, e ćhavorren, peklje po roštilji sa ljen, phabarde ane krematorijumora, djuvde ćiravde ane kikave thaj kerde lendar sapuja, umlade thaj mudarde len bokhatar, trošalimastar thaj šudrimastar.

Garavelpes o genocido pe Serbijanura, Jevreja thaj Rroma ane vrjama e Dujtone lumijake marimsko.

O Genocid pe Serbijanur savo nakhadapes katar e NDH khoslo si andar e lumijaki historia.

Kadja mangle te khosen thaj te garaven o genocido pe Jevreja

O genocid pe Rroma kadja si bistardutno. Butivar vacarelapes kaj si e Rroma asocijalno problemo so si hohavipe soske ane 5 punkta e hitlerese punktako Majn Kapmf si kaj katar o rasno aspekto, pala o slovenikano, jevrejengo them te mudardon vi e Rroma.

Kana semasa ano Vašington ane Amerika ko 1997 berš ano Muzejo pala o holokaust o Jasenovac ni egzistuil sar mudarimasko koncentraciono logori aj sar bućarimasko logori.

Aj e Hitleresko specijalno bićhaldutno o Fon Horstenau an piro personalno djivesutnari ano 1942 berš  vakarda kaj e ustašengo koc logori  o Jasenovac sas jekh katar e majdjungale konc. Logora thaj kaj si sar e Dantesko djenemo

E angluni maškarthemutni konferencija genocido pe Serbijanura, Jevreja thaj e Rroma ane Dujto lumijako maripe majlaćhe ka pindjarel sa e forutnen, ka anel djike maj lacho pašipe maškar sa e forutne thaj minoritura ane Evropa, ka vazdel e tolerancia savi si importanto e respektuimaske thaj e haćarimaske sa e rigengo.

Funda si te kerolpes drakhin savi ka promovišil e aktivimata save anen djiko pašipe, ćaćipe thaj nijam, a na nevo maripe.

Leave a Reply

Your email address will not be published. Required fields are marked *

*