21.1.2014. – B92: HRV – Gajlinela o hali e hakoncar ki SRB

21.1.2014. – B92: HRV – Gajlinela o hali e hakoncar ki SRB

O radže taro phuvja ko paščimalo Balkani ko 2013. Kergje hari baši čhinavibe taro problemia e manušikane hakoncar, a ulavdeste gajlinela o hali ki BtH, Srbia thaj Kosovo, havljargja HRV.

Ko lumiakoro raporti baši 2014.berš o organizacie baši manušikane hakoja Hjuman rajt voč sikavgje gajlipe thaj bašo hali ki Hrvatska savi khuvgja ki EU sar 28. Dženi.

Anavjale, dikhljardo si kaj ko phuvja ko paščimalo Balkani kerdo si salde limitirime anglunipe ki dikhin taro džovapialipa bašo marebakere bilačhipa, diskriminaciakoro mamujkeribe thaj phagipe taro manušikane hakoja taro romano minoriteti, sar thaj maltretiriba thaj čelalipa upro žurnalistia thaj LGBT khedina. Nane sakanutne čhinaviba baši našle manuša thaj andruneste džithanakerde džene.

„O phuvja taro paščimalo Balkani valjani te keren buti ko jekajekhipe maškar o hali e manušikane hakoncar thaj evropakere thaj maškardžijaneskere standardia“, vakergja Lidija Gal, rodljarutni bašo Balkani thaj dakšinali Evropa ki organizacia baši manušikane hakoja.

Haing: http://www.b92.net/info/vesti/index.php?yyyy=2014&mm=01&dd=21&nav_category=12&nav_id=802626

Leave a Reply

Your email address will not be published. Required fields are marked *

*