23.1.2014. – Radio Slobodna Evropa: Ikerdi komemoracia e kurbanenge tari Novi Sad-eskiri racia

23.1.2014. – Radio Slobodna Evropa: Ikerdi komemoracia e kurbanenge tari Novi Sad-eskiri racia

Ko Novi Sad ikerdi si komemoracia sebepi 72.berša tari racia kolate i hungariakiri armia 1942.berš mudargja baro gendo Novisadeskere dizutne, majbut Jaudie, Srbia thaj Roma. O deibegodi tari Jaudiengiri khedin ikergja le o šerutno rabini ki Srbia Isak Asiel, a o deibegodi tari Srbia-kiri ortodoksno khangeri kergja la o episkopi bačkakoro Irinej.

I centralnikani programa taro nišankeribe e raciakoro beršipe ikergja pe ko trujalipa tari Dunav ko monumenti „Porodica“.

E thanlendutnenge lafikergja o dizjakoro šerutno ko Novi Sad, Miloš Vučevič. Ov akcentiringja kaj i Novi Sad-eskiri racia si jek taro majtragikane čhipote ki dizjakiri historia.

I racia ki purabali Bačka kerdi si tari rig taro hungariakere okupaciakere takatia, majbut upri Jaudie, Srbia thaj Roma ko vakti tari Dujto sumnaleskiri mareba. Ko Novi Sad kerdi si taro 21. Dži 23. Januaro 1942. Ki racia mulo majbut taro 1.200 Novisadeskere dizutne.

Ko berš 2011.sebepi akava bilačhipe anglal o Adalati ki Budimpešta vazdime si došakerin amuj o nekanutno kapetani ki hungariakiri žandarmeria Šandor Kepir.

Haing: http://www.slobodnaevropa.org/content/odrzana-koemmoracija-zrtvama-novosadske-racije/25239962.html

Leave a Reply

Your email address will not be published. Required fields are marked *

*