O adalati tari franciakiri diz Bezanson avdive čhudingja o rodipe tari familia Dibrani tari Kosovakiri Mitrovica lengiri čhaj paldime tari Francia ko oktobro te iranel pe odole phuvjate, legarena avdive franciakere mediumia.
I Romani taro Kosovo Leonarda Dibrani(15) ko 9.oktobro sine astardi tari franciakiri policia anglal školakere amala ki te palden la palpale ko Kosovo barabar e avere dženencar tari lakiri familia sar ilegalna imigrantia.
Odova paldipe andargja dži dalga kritike thaj bari polemika ki Francia, a mile maškarunesikle dengje piko ko protestia pe jekajekheberšalja.
O adalati avdive lipargja kaj dela džanlipe e phanlipange taro haberidentuno baš odola pučiba Žerom Šare kova vakergja kaj i policia „na kergja doš“ kana dengja komanda odole familia te bičhalen dži simantra.