2.7.2014, ERIO – Barabarutni xavlărin: Kapacitetenqo zuraribe θar Evropaqo parlamenti te butiqerel mujal rasizmo: o parlamenθarcoja musaj te koordinirinen pe zorya

O evropaqo parlamenti si jekhutno alusardo badan θar Evropaqi uniă vi jek θare majbare demokratikane khedipa ki lumiă. Ov si o EU Ʒiăni. O Evropaqo parlamenti ko-lelărela EU kanuniă barabar e prezententenca θaro thema Ʒene.

O anglunipe θaro ultra-dahinale partie vi partie kola propagirinena ksenofobikane vi rasistikane ideje ko alusarina 22-25 majo- e 79 Ʒenencar ko Evropaqo parlamenti kola ale θar esavke partie- si θar vaš evroaqe moldipa θaro manušikane xakoja vi jekhipe. Si čačutne rizikoja kaj o kurbaniqeribe θar etnikane, rasaqe ja dinesqe minoritetiă, sar vi emigrantiă, šaj te rezultirinel kišle Evropaqe uniăsa vi majtikne Ʒovapiălipasa vaše obligacie kori manušikane xakoja θaro thema Ʒene.

Lendor ki dikhin o upre lipardo, o tele xramome dena rekomandaciă o neve čhivde Ʒene ko EP te fundirinen zurali maškargrupa vaš anti-rasizmo ko Evropaqo parlamenti ki te angluniqerel pe saxni anti-rasistikani agenda.

I saxni xavlărin ki anglikani čhib si ki akaja adresa: http://www.erionet.eu/doc-joint-statement_02072014