31.7.2014, NIAR – O PROBLEMIĂ KOLEN SI O DEPORTIRIME ROMA, EGIPĆANA VI AŠKALIE SI BARE

31.7.2014, NIAR – O PROBLEMIĂ KOLEN SI O DEPORTIRIME ROMA, EGIPĆANA VI AŠKALIE SI BARE

Beograd, 27.07.2014. god. (NIĂR) – Bajram Haliti, šerutno vi Ʒovapiălo redaktori ko NIĂR avdive vaqerda vaši portal niăr.rs “ Ko vaxt θar oviba ko palune dešberšipa, baro gendo našlemanuša θaro rromano, egipćansko vi aškalisko preperutnipe θari Serbiă, Crna Gora vi Kosovo, arakhle xarnevaxteso thanaqeribe ko phuva θari paščimali Evropa. But lender na lele našlemanušenqo statusi vi deša mile manuša sas deportirime ki θarxienqi phuv.

O kondicie teli kolende o grupacie irisaren pe vi teli kolende šuraren nevo Ʒivdipe ki nekanutni dayaki phuv, si but phare. Ko but pharo xali si o Rroma, Egipćana vi Aškalie kola ki Serbiă, Crna Gora vi Kosovo si biărakhli grupa upri kolate qerol pe diskriminaciă.

Akale manušenqere problemiă si bare: Ki Serbiă vi Kosovo deportirin pe bizi nisavo mali, bizi thanaqeribe, lenge khera si uzurpirime bizo dokumentiă, bizi šajdipe buqarnipasqe vi sociălno sastimasqe xakonca, lenge čhavre na lafiqerena ni rromane, ni egipćanski, ni aškalisko, ni serpsko ni albansko čhib, našti te nostrificirin o diplome…

O kherutne vi maškarƷiănesqere biraƷaqe organizacie dokumentirinde but čhipote θaro phagipe manušikane xakora ko procesi θari readmisiă:nasvale manušengo iranibe, ulavibe θari familiă, leibe love ko aeroporti ki Nemačka, Ʒivdipe ko droma vi bizo dokumentora ki Serbiă v.a.

Romengiri nevimatangiri informaciakiri agencia

Leave a Reply

Your email address will not be published. Required fields are marked *

*