Romengiri nevimatangiri-informaciakiri agencia
Sar kaj sen pindjarde ane palutne 100 berš sesa inicujative le Rromenge intelektualne elitako o problemo le respektimasko thaj e statuseske definišimasko e rromane etnoseske jekhvar thaj univar te agordisavel, aj e reslimata sesa bi djanvarhutne efektosa feri o ćaćipe kaj e Rroma, sar etnosikanio minorito si ćhordardi ane intrego lumia, najlen rekognizipe, po angluno than, katar e dejikani raštra e India, thaj sa kodolesa najlen ni politikano thaj institucionalnutno suporto pire rodimatange pe palutne kidimata thaj kongresora save sesa inćardutne ane palutne berša.
E sebepora sose ni ćhutapes o pućipe e minoritikane statusesko le Rromengo si butune- majanglal našti feri piri phari ekonomikani situacija te organizuinpes po maškarthemutno nivelo, dujto lungo vakti thagarisarda o gndipe kaj o pućipe le Rromengo si pućipe lenge socijalizacijako thaj kaj lengi kultura, tradicia, adetura prezentisaren socijalno devijacia savi trubul te laćhardolpe ano agor sar maj importanto bući ane maškarthemutne relacie si e dejikani raštra e India, te arakhel amen thaj amare interesura te prezentisarel po maškarthemutno nivelo.
Ka risparisarav tumenano 1983 berš, e Indiara Gandi premijeri, ano festivalo ano Čandigarh (Pendđabo), rekohnizisarda le Rromen sar ,,e Indijake ćhavorren), a lengi ćhib e rromani, kerda te avel jekh katar e oficijelno ćhiba.
Interesipe sikavda vi lako dad o Nehru, savo kana sasa ano 1956 berš ane SFR Jugoslavija rodla te vizitisarel e Rromen. Lesko sekretari o Čamal Lal iskirisarda e pustak e Rroma bistardutne ćhave le Indijake.
Po festivalo e Indira Gandi vakarda ano Čandigarh ,, Me avilem kate feri kaj haćarav kaj sam
