Arhiva Janavari 2014

25.1.2014. – Vesti Online: Pastor e Jobik-oske – Ma hrande pali Vojvodina!

O prezidenti ki Unia taro vojvodinakere Hungarcoja (SVM) Ištvan Pastor došakergja e Jobik-o, ekstremno dahinale parlamentarno partija tari Hungaria kaj mangela te buvljarel hungariakoro nacionalizmo ki Vojvodina thaj bičhalgja mesaži kaj e vojvodinakere Hungarcoja nikana nane te phenen va ko odova. „Na valjani amenge khoni, ni odova ko avela tari Hungaria, ple bidžovapiale keribaja te kerjarel barijag, a pal odova ... Read More »

25.1.2014. – BLIC: Dačić – Mamuj bilačhe gnde thaj bimangipe valjani te marel pe

Ko Beograd arjat sebepi Maškardžijaneskoro dive baši deibe godi ko Holokaust-eskere kurbania puterdo si eksponiribe „Beograd-eskere Jaudie-Dživdipe ko Holokaust-i“, a o prezidenti ki Srbia-kiri Radži Ivica Dačič bičhalgja mesaži odole čhipotate kaj e bilačhe gndengere darhia buvleste ki Evropa si hor thaj kaj mamuj lende valjani te marel pe agjaar so sako ka butikerel ko sasnsaripe maškar o džijania thaj ... Read More »

25.1.2014. – elektrobeton.net: Liberalna utopie thaj rasizmo

Ko palune masekoja ki Bugaria notikerdo si barjovibe taro rasistikane thaj ksenofobikane atakoja ko minoritetia thaj migrantia. Ko šuru taro decembro 2013., peše dži biš tinejdžeria margja duje Sirijcon thaj jekhe Libanco ki Sofia. Ko novembro o neonacistia atakuingje Romen čhavea ko Sofia-koro centro, margje Afrikanco ko publik transporti thaj pusavgje dešeftaberšale angla o centro baš azilantia, te lipara salde ... Read More »

25.1.2014. – romea.cz: Čehia-kiri Republika – šurarela o adalatibe ki čhipota baši Romengoro zorea meribe ko vasta tari policia

Akate ki Čehia-kiri Republika o mediumia generalno, a ulavdeste akava žurnalistikano serveri butfar si kritikuime baši butfar haberideibe baši rasistikane motivirime kriminali upri romano džijani. O avutno egzamplo sikavela kaj akava nane sakana agjaar soske si but esavke čhipote kola sigate našavgjona agaar so o mediumia na havljarena ič olenge. Nakhlo majbut taro jek berš tekvaš taro meribe taro Ludevit ... Read More »

25.1.2014. – The Huffington Post: E Jobbik-eskoro lideri Gabor Vona hazri baši khuvibe ki Bari Britania, protestia planirime ko vizitakoro vakti

O protestantia si hazri te sikaven pi holi ko vakti tari paluni vizita tar ekstremistikani dahinalo hungariakoro političari ko London, džikote o aktivistia kerena rodipe ko paluno momenti e sekretareske baš andrune pučiba te na mukel pe e Jobbik-oveske Gabor Vona te khuvel ki Britania. Numa, nane nišania taro Home Office kaj ka avel dži bimukin. Vona lela than ko ... Read More »

24.1.2014. – BLIC: Nikolić anglolegarela i ceremonia taro holokausteskoro nišankeribe

O prezidenti ki Republika Srbia Tomislav Nikolić ka anglolegarel i centralnikani raštrakiri komemorativno ceremonia baši deibe utsavalipe sebepi nišankeribe o 27.januaro, Maškardžijaneskoro dive baši deibe godi ko holokausteskere kurbania, havljargja avdive radžakiri Kancelaria baši barabrbuti e mediumencar. I ceremonia ka šurakerel ko 11 o saati ko Momuneti baši kurbania taro genocid ki Dujto sumnaleskiri mareba, savo arakhela pe ko pervazi ... Read More »

24.1.2014. – Beta: Arka e džithanakerdenge ko kolektivna centria

O proekti „ Mangava produktivno dživdipe, a na azili!“ si resarinaja te del arka e iranutne, deportirime thaj džithanakerde thaj romane familienge ko kolektivna centria ko deš komune ki te integirinen e čhaven thaj familien ko Srbia-koro dživdipe, vakerdo si paraskine ko Beograd. Ki konferencia baši žurnalistia vakerdo si kaj o proekti ka realizirinel pe ko 10 komune. „ Ka ... Read More »

24.1.2014. – seecult.org: Deibe godi ko holokausteskere kurbania

O Ministeriumi baši kultura thaj informiribe ko 27.januaro organizirinela, sebepi nišankeribe taro Maškardžijaneskoro dive baši deibe godi ko holokausteskere kurbania, komemorativno khedibe ko lokaliteti taro nekanutno logori ko Topovske šupe ki Avtokomanda ko Beograd. Utsavalipe e holokausteskere kurbanenge ka del thaj o raštrakoro sekretari ko Ministeriumi baši kultura thaj informiribe Dejan Ristič, o prezidenti taro Khedipe taro jaudiengere komune ki ... Read More »

24.1.2014. – cazin.net: Nazif Mujić – Trampinava e rupijale ričine baši thanakeribe ki Germania

I rupijali ričini e Romeske tari BtH, Nazif Mujić-eske avgo sine triumfeskere džandipaja. Numa o pursako na angja leske baht… Duj masek isi sar Nazif Mujić palem si ki Germania. Dživdinela ko jek našle manušengoro kampi ko Berlin-eskoro palpalutnipe, diz savi olestar kergja čeren, kova kori leste šukar vjavaharingja pe, thaj kote so šaj sine te hal kobor so mangela. ... Read More »

24.1.2014. – Independent: Franciakoro dženo taro Parlamenti našljargja phanlipe pala ko vakeribe kaj Hitler „šaj na mudargja ko čalo gendo“ Romen

Franciakoro dženo taro Parlamenti našljargja phanlipe pala so si astardo kamerasa sar vakerela kaj „Hitler šaj na mudargja ko čalo gendo olen“ ko vakti taro konflikti e romane khedinaja paše dži diz kaskoro dizjakoro šerutno si. Taro kana o video sine emitirime buvleste ki Francia, Burdule si došakerdo baši „ bisteribe o bilačhipe upro manušipe“ thaj štartodiveste si avazikerdo sar ... Read More »